Hapunten baraya sadayana, dulur nu di lembur saderek nu di lebak boh nu di pasir di tonggoh atawa di handap, ieu mah saukur emutan sim kuring yeuh, naha bet sesahnya ngabentenkeun antawis huruf ‘eu’ , ‘e’ , é teh disidik-sidik mah gening sok tara dina tempatna?
Sok sering kuring manggihan Vocabularry dina basa Sunda nu sok diserat ku sementawis rerencangan di socmed atanapi SMS samodel kieu :
- Aduh, warareugah euy!
- Wareug tah beuteung teh ayeuna mah
- Beuleugug Jelema teh teu mikir-mikir! puguh macet jalan teh, hayoh klakson disadakeun ringrang aing mah
- Ngeunahna isuk-isuk nyuruput kopi hideung meudok bari ngadahar bubuy sampeu dicocolkeun kana gula bodas.
- Heunteu ah, pimohaleun kuring huhujanan bari bubulucun sataranjang da lain budak leutik deui.
Pangemut abdi sakedahna :
- Aduh, wararegah euy!
- Wareg tah beuteung teh ayeuna mah
- Belegug Jelema teh teu mikir-mikir! puguh macet jalan teh, hayoh klakson disadakeun ringrang aing mah
- Ngeunahna isuk-isuk nyuruput kopi hideung medok bari ngadahar bubuy sampeu dicocolkeun kana gula bodas.
- Henteu ah, pimohaleun kuring huhujanan bari bubulucun sataranjang da lain budak leutik deui.
Sok ah mangga emutan deui kudirasa-rasa dikinten-kinten sora eu, e jeung é ayana di kosa kecap nu palih mana.
Kirang langkung Hapunten anu kasuhun.
Only Saukur 